Rais wa Marekani Donald Trump amesitisha ulinzi wa Huduma ya Siri ambayo ilikuwa imepangwa kutolewa kwa Kamala Harris na Joe Biden kabla ya kuondoka madarakani, kulingana na mmoja wa washauri wake.
Akiwa Makamu wa Rais wa zamani, Harris alikuwa na haki kwa mujibu wa sheria kupokea miezi sita ya usalama huu wa ziada baada ya kuondoka madarakani mwezi Januari, ambao muda wake ulipaswa kuisha mwezi Julai.
Ulinzi wake ulikuwa umeongezwa kwa mwaka mwingine kwa agizo la rais lililotiwa saini na mkuu wake wa zamani lakini hili lilibatilishwa na Trump katika barua iliyoonekana na BBC, ambayo ni ya Alhamisi.
Hatua hiyo imechukuliwa wiki chache kabla ya Harris kuanza ziara ya kitaifa ya kutangaza kitabu chake kwa jina “107 Days” – ambacho kinaangazia kumbukumbu ya kampeni yake ya urais iliyodumu kwa muda mfupi na ambayo haikufanikiwa mnamo 2024.
Nakala ya barua iliyoonekana na BBC, ya tarehe 28 Agosti, inaelekeza Huduma ya Siri “kusitisha taratibu zozote zinazohusiana na usalama zilizoidhinishwa hapo awali na Utendaji wa Juu, zaidi ya kile kinachohitajika kisheria” kwa Harris kuanzia tarehe 1 Septemba.
Afisa mkuu wa Ikulu ya White House alithibitisha hatua hiyo.
